నీ నెచ్చెలిని నేను ....

చంద్రుడ్ని సాగనంపేవేళ
నీ చెంత చేరి కాఫీ తాగాలనుంది

హిమసుమాలు రాలి పడే వేళ
నీ జత కలసి నడవాలనుంది
దారంతా రాలిపడ్డ పూరేకులు దోసిలి పట్టి
నీ పాదాలను అర్చించాలనుంది ....

అహర్నిశలు రాష్ట్రం కోసం నువ్వు పడే ఆరాటానికి
చేయి కలిపి బాసటగా నిలపాలనుంది ...

సమసమాజ నిర్మాణం నీ లక్ష్యం అయినప్పుడు
నీ క్షేమం కోసం తపించే నెచ్చెలిని నేను

మానవత్వం నీ మతం అయినప్పుడు
నీ మనసు నిండిన ఆ పరిమళాన్ని నేనవ్వాలనుంది

అందరిక్షేమం కోసం నువ్వు పడే తపనకి
రంగులద్ది , అక్షరాల్ని పేర్చాలనుంది

గమ్యానికి నువ్వు చేరువైనప్పుడు
చిరునవ్వుతో నీకు స్వాగతం చెప్పాలనుంది .....

.........................ప్రియ కారుమంచి ..........