స్నేహం

మన స్నేహం మనం ఉన్నంత కాలం ఉండాలి
ఎప్పటికి
మంచులా కరిగి పోకూడదు
స్వచ్చమైన ముత్యమై మెరవాలి
సుమంలా వాడిపోకూడదు
మొక్కలా చిగురిస్తూనే ఉండాలి,
''ఓం'' కారంలా,
ప్రకృతి పాడే ప్రణయ సంగీతం కావాలి
నా మది ఆలాపించే మౌనగీతం నీది
నీ తలపుల్లో పరిమళించే ఆలోచన నాది
ఆకృతి దాల్చిన ఆత్మస్థైర్యమై నువ్వు ,
హుందాగా, స్వరమధురిమనై నేను
మన మాటలే కాదు ,
రాతలూ బంగారంలా ఉండాలి
నలుగురికీ ఆదర్శంగా నిలవాలి
మనం ఉన్నా, లేక పోయినా ,
మన స్నేహం
సూర్యుడు వెలుగులా ప్రకాశిస్తూనే ఉండాలి
ఈ రోజు నా చివరి ఆలోచన ,
రేపటి నా మొదటి ఆలోచన
నువ్వే కావాలి...
నా అందమైన కావ్య రచనకి,
''ఏకాక్షరివి'' నువ్వు
రచిస్తూనే ఉంటా నేను
.స్నేహాక్షరనియే ...
నిరీక్షిస్తూనే ఉంటా నీకోసం
......అభిసారికనై..... !!

...............ప్రియ...........