అంతా నిశ్శబ్దం .....

అంతా నిశ్శబ్దం________________________

ఒక కర్ణ కఠోరమైన శబ్దం తరవాత ముసురుకున్న నిశ్శబ్దం

కాకులు కూడా భయం నీడల్లో చెట్ల కొమ్మల్లో ముడుచుకు కూర్చున్నాయి 
వీదికుక్కలు ఉనికి తెలియకుండా నిక్కి నిక్కి చూస్తున్నాయి 

భయం తాలూకు నిశ్వాసలతో గాలి కూడా గడగడలాడుతుంది
ఎటుచూసినా ఎర్రని రక్తపు మరకలు పగిలిన గాజుపెంకులే

పక్కింటి భయ్యా కన్నీటి పొరల మాటున కసి తీరిన ఆనందం

మొన్నటి నుంచి చంటిది అడుగుతునే ఉంది
భయంతో గుండెల కదుముకుని నోరుమూసినా
వణుకుతున్న కంఠ౦తో అదేపనిగా అడుగుతూనే ఉంది

ఎందుకమ్మా పక్కింటి అంటి ఏడుస్తూనే ఉంది
ఎందుకమ్మా అంకుల్ కుర్చీని అంటి మీదకు తన్ని
రక్తమొచ్చేలా గోడకేసి తలకొట్టుకున్నారు

చెప్పమ్మా ఆంటికి ఏంజరిగింది !!
చెప్పమ్మా ఆంటికి ఎం జరిగింది !!

ఏం చెప్పాలి నా చిట్టితల్లికి

ఈ దేశంలో మతమెక్కిన లం .....కొడుకులు ఆడదాని కన్నీటికి కారణమని

ఏం చెప్పాలి తనకు

చేతకాని సన్నాసులు పరాక్రమం ఆడవాళ్ళ చీరలు లాగటంలో చూపిస్తారని

మారణ హోమాలూ , మానభంగాలూ
మరణం తరవాత నిశ్శబ్ధాలూ ఈ దేశంలో నిత్యక్రుత్యమని

ఎలా చెప్పాలి తనకి__________________________ప్రియ

నాదొక అందమైన విషాద పుస్తకం

నాదొక అందమైన విషాద పుస్తకం 
__________________________

నెమలీకలుగా నేదాచుకున్న 
మధురోహాల జ్ఞాపకాలు 
గులాబీ రేకుల పరిమళాలై 
ముంచెత్తే మది భావాలూ 

తొలిపొద్దు కిరణాలను చూసి 
ఎగసిపడే చిరునవ్వుల కెరటాలు 
సంధ్య చీకట్లు ముసురుకు
నిరసనగా తెలిపే చిరుకోపాలు

అప్పుడప్పుడూ
నీలాల మీనాల నుంచి
కురిసే వాన చినుకులు
మనసు మబ్బుతెరలూ

శిధిల కోటలో మౌన నిశీధిలో
పగిలిన కిటికీ అద్దంలోనుంచి
లోకాన్ని చూస్తూ కలతపడుతూ
ఇలా నాపాటికి నేనిలుచుంటే

ఇంకా రాళ్ళేయాలని
గునపాలతో గుచ్చాలని
గాయపరచాలని
ఎందుకీ రాతితనం

ఇక్కడ
మాటకి దిక్కులేని వాళ్లకు
దానమిచ్చే సంపద లేదు
మనసులు పంచుకునే
విశాలతత్వం అసలే లేదు

బహుమతిగా రాసిన వెండి కంచాలు
మనసు సందు నుంచి అసలే దొర్లిరావు

ఎందుకంటే ఇది జీవితం
మరి అసలైన జీవితం ...
ఇక్కడ అంతా నిజమే ..

ఎండుటాకులు .....

ఎండుటాకులు .....
.......

ఒక్కసారిగా వీచిన ఈదురుగాలికి
గర్వంగా ,అహంకారంగా అజ్ఞానంగా మరికొన్ని ఒద్దికగా ఉన్నవి
ఇన్నాళ్ళూ కొమ్మల్లో కొమ్మగా ఆకుల్లో ఆకుగా కలిసిపోయిన
పండుటాకులు , ఎండుటాకులూ రాలిపడి పోతున్నాయి

హఠాత్తుగా ఇంత పెద్ద హోరు గాలి
ఆకులన్నిటినీ ఒక్కటిగా కలిపి విసురుగా తరిమేస్తుంటే
వేపాకులు మర్రిఆకులు మావిడాకులు తమలపాకులు
అన్నీ కుప్పగా కొట్టుకుపోతున్నాయి

అప్పుడు నాకనిపించింది
పచ్చగా ఉన్నప్పుడే కదా వాటికి రకరకాల పేర్లు
ఇప్పుడు చూడు ఆన్నీఎండుటాకులే
వర్షపు చిత్తడికి కుళ్లిపోయే చెత్తా చదారమే కదా !

గుర్తుందా అప్పుడు నువ్వన్నావు చిరునవ్వుతో నా కళ్ళలోకి చూస్తూ
common darling every life is same ..remember it ..
కులాలు,మతాలు నమ్మకాలూ విశ్వాసాలు అన్నీ ప్రాణం ఉన్నంతవరకే
ఆ ఆతర్వాత అందరం కలిసేది ఆ మట్టిలోనే అని ..
మరి గుర్తుందా నీకు ......

ఎందుకిలా .

ఎందుకిలా .
---------------------------------------

గాయాలెన్నవుతున్నా మౌనం వీడకుండా ఇంకెన్నాళ్ళు 
నువ్వంటావూ, నీ సంకెళ్ల తెంపుకుని అందరికి సంకెళ్ళేస్తున్నావు అని 
మాటలతో తూట్లు పడుతున్న నీ అందాల పొదరిల్లు చూడు 
చూడు.. రక్తమోడుతున్న నీ స్థానాన్ని చూడు...

చుట్టూ అద్దాలు పెట్టుకుని లోకాన్ని చూస్తూ నాపాటికి నేనున్నానా 
ఎటుచూసినా వెకిలి నవ్వులే , వెర్రి చూపులే కంపరమెత్తుతూ
కళ్ళింత చేసుకుని అడ్డుగా ఉన్న అద్దాన్ని తిట్టుకుంటూ కొందరు
అడ్డేమీ లేదనుకుని అందుకోవాలని ఆరాటపడే వెర్రితనంతో కొందరు

అందితే విరజాజి పువ్వు, అంద లేదా గులాబీ ముళ్ళు
ఇప్పుడు చెప్పు నా సంకెళ్ళు తెంపుకోవడం సాద్యమా ?
నాకు ఈ విశాల ప్రపంచంలో స్వేచ్చగా విహరించాలని ఉంది 

అడుగడుగునా ఎదురయ్యే ఆకలి చూపులు చేధించాలని ఉంది