స్వప్న కధ ......
_____________
ఈ రోజు గుమ్మం పక్కనే
నిండుగా విరబూసిన పువ్వులతో
కుండీలో లేతెరుపు గులాబీ మొక్క
ముళ్ళున్నాయని భయపడకు
మంచి గంధంతో చేసిన గూడు ఇది
సరాగాలాడే వెన్నెల నీడలతో
నెమ్మదిగా ప్రవహించే నదిని
కలలుగనే చెలిమి లోగిలిది
స్వప్న తీరాల నడుమ
అఘాధాన్ని చూసి దిగులు చెందకు
హృదయపు లోతుల్లో ఎగిసిపడే దుఖం
కాగితమై
కలమై
కవిత్వమై
జీవితమై
ఉవ్వెత్తున ఎగసే సాగరమై
ఒక మనిషై
నీకోసం
నీ మాట కోసం
ఎదురుస్తుంది ...
మరి, ఇక రా !
నిండు పౌర్ణమి
విరిసిన గులాబీ
ఎగిసిపడే సాగరం
నీకై ఎదురుచూస్తున్నాయి
No comments:
Post a Comment
Note: only a member of this blog may post a comment.