....హృదయగానం ...

_______________

సుడిగాలై సుడులు తిరుగుతున్నచీకటి

ఘనీభవించిన నీలపు నీటి ముద్దలా కడలి

నెత్తురు వెన్నెలగా జ్వలించే వెచ్చటి మౌనం కోసం

నీలపు నిప్పురవ్వలా ఎగిసిన మంచు ముద్ద

జలతారు పరదాలవెనుక ఎర్రటి రక్తం

వేసుకునే ఊహల చలిమంట ఇది

ఆహా యే౦లేదూ,

గాయమేమీ కొత్త కాదుగా

అనాది నుంచి చిట్లిన రసహృదయాలు

ఏక కఠంతో పెట్టిన పొలికేక అది

ఎడారి వరదలో మునిగిన విషాదమది

ఘనీభవించిన సరస్సులో కన్నీటి కమలమది

మంచు జ్వాలలో ఎగిసిపడి విలపించే

నీలపు నిప్పురవ్వ విషాదమది

సుడులు తిరుగుతున్నచీకటది

ఘనీభవించిన నీలపు నీటి ముద్ద అది ...