నేను స్త్రీని ....

నీవు చేసిన ద్రోహం పదే పదే తలపుకు వస్తుంది.
ఇన్నాళ్ళూ నేను దాచుకున్న ఓరిమి ఆరిపోయింది,
ఏమి చేద్దాం నేను భూమి పుత్రికను కానుగా.

ఈ ఛేదు వాస్తవాన్ని మరిచిపోదాం అనుకున్నా,
కలోనైనా నిను చూద్దామని ఆరాటపడుతున్నా,

నిదురతో విరహాన్ని జయించటానికి ఊర్మిళను కానుగా

గుండె బరువుతో నీ రాకకై ఎదురుచూస్తూనే ఉన్నా
నీవేప్పటికీ నా గుండె తలుపు తట్టవు అని తెలిసినా ,
ఎదురు చూపులు ఎదను పిండినా అభిసారికను కాలేనుగా

పంతాలతో నిను కట్టి పడేద్దాం అనుకుంటా
గీత గీసి నిను కట్టడి చేసి, ఆరడి చేద్దాం అనుకుంటా.
సాధించి నిను చేరటానికి సత్యభామను కానుగా

నీ గుప్పెడు మనసులో స్థానం పొందలేని దాన్ని,
గంపెడు ఆశ తో నిత్యం నిను స్థుతించే ప్రేమమయిని
పిచ్చిదాన్నిబండను మలచాలి, కొండను తోలచాలనీ ,
వ్యర్ధ ప్రయతం చేసే వెర్రిదాన్ని.